«Milan» hujumchisi Rafael Leau faoliyatini Turkiyada davom ettirishi mumkin.
Jurnalist Sasha Tavolyerining xabar berishicha, «Galatasaray» 27 yoshli portugaliyalik futbolchining transferi bo‘yicha «Milan» bilan muzokaralar olib bormoqda. Yaqin soatlar ichida Turkiya grandi yangi taklif bilan chiqishi kutilmoqda. Manbaga ishoniladigan bo‘lsa, Leauning o‘zi «Galatasaroy»ga o‘tishdan manfaatdor.
Avvalroq «Milan» o‘z o‘yinchisini Turkiyaga 35 million yevroga sotishdan bosh tortgani haqida mish-mishlar tarqalgan edi.
O‘tgan mavsumda vinger barcha turnirlarni hisobga olgan holda 31 ta uchrashuvda maydonga tushib, raqiblar darvozasini 10 marotaba ishg‘ol qildi va o‘z hisobiga 3 ta golli uzatmani yozib qo‘ydi.
