Jurnalist Abrahim P. Romeroning xabar berishicha, Madridning «Real» klubi asosiy transfer nishoni bo‘lgan Rodrini qo‘ldan boy bergach, maydon markazi uchun boshqa yangi o‘yinchi qidirmaydi.
«Manchester Siti» yarim himoyachisi Madridga o‘tishga juda yaqin kelgan edi, biroq so‘nggi 24 soat ichida kelishuv barbod bo‘ldi. «Real»ning azaliy raqibi «Barselona» muzokaralarga aralashib, 30 yoshli Jahon chempionini o‘z safiga qo‘shib olish arafasida turibdi. «Barselona»ni tanlash Rodrining shaxsiy qarori bo‘ldi.
Shu bilan birga, «qirollik klubi» bosh murabbiyi Joze Mourinyo jamoaning hozirgi imkoniyatlaridan to‘liq qoniqmoqda va rahbariyatdan yarim himoya chizig‘ini kuchaytirish uchun yangi transferlarni so‘ramagan.
Kelayotgan mavsumda «Special One» (Joze Mourinyo) maydon markazida asosan Jud Bellingem, Orelyen Tchuameni, Federiko Valverde, Arda Gyuler va Bernardu Silva xizmatidan foydalanishni rejalashtirmoqda.
