«Inter» bosh murabbiyi Kristian Kivu yaqinlashib kelayotgan yangi mavsum starti oldidan o‘z fikrlarini bildirib o‘tdi. Bu haqda milanliklar klubining media-xizmatiga tayanib FotMob xabar bermoqda.

«Inter» 2025/26 yilgi mavsumda eng yaqin ta’qibchisi «Napoli»ni 11 ochkoga ortda qoldirib, 21-chempionlik unvonini qo‘lga kiritdi. Ruminiyalik mutaxassis navbatdagi chempionlik uchun kurashda asosiy raqib nomini hozircha ayta olmasligini ta’kidladi.

«Men hozircha bu savolga javob bera olmayman. Bular amaldagi chempionning ishini qiyinlashtirmoqchi bo‘lgan o‘sha-o‘sha klublardir. Hozirda aynan biz — hamma yutishni xohlaydigan jamoamiz. Chempionat startiga kolgan bir necha hafta ichida imkon qadar yaxshi tayyorgarlik ko‘rishimiz kerak.

Hozirgi paytda eng muhimi — futbolchilarimizning jismoniy holatida deyarli hech qanday muammo yo‘q. Bu eng ijobiy holat va biz bundan mamnunmiz», — deya qo‘shimcha qildi Kivu.

A Seriyaning yangi mavsumi boshlanguniga qadar «Inter» yana ikkita o‘rtoqlik o‘yini o‘tkazadi — «Yuventus» va «Betis»ga qarshi. Milanliklar chempionlik unvonini himoya qilishni 22 avgust kuni elita divizionining yangi a’zosi «Monsa»ga qarshi o‘z maydonidagi o‘yin bilan boshlaydi.