«Yuventus» yarim himoyachisi Ueston Makkenni faoliyatini Turin klubida yakunlashni istashini ma’lum qildi. Amerikalik futbolchi, shuningdek, A Seriya favoritlari va o‘zining kumirlari haqida ham to‘xtalib o‘tdi.
«Faoliyatimning oxirigacha «Yuventus»da qolishmi? Bu juda katta sharaf va ushalgan orzu. Bolaligimda Franchesko Totti, ayniqsa uning sadoqati sabab mening kumirim bo‘lgan, ammo Del Pyeroni ham misol qilib keltira olaman. «Yuventus» kabi klubda uzoq vaqt qolish oson emas», dedi futbolchi.
Shuningdek, Makkenni Dushan Vlaxovichga kelajagi bo‘yicha bir qarorga kelishi uchun xalaqit bermaslik va unga joy ajratish maqsadida xabar yozmaganini ta’kidlab o‘tdi.
