«Ювентус» ярим ҳимоячиси Уэстон Маккенни фаолиятини Турин клубида якунлашни исташини маълум қилди. Америкалик футболчи, шунингдек, А Серия фаворитлари ва ўзининг кумирлари ҳақида ҳам тўхталиб ўтди.
«Фаолиятимнинг охиригача «Ювентус»да қолишми? Бу жуда катта шараф ва ушалган орзу. Болалигимда Франческо Тотти, айниқса унинг садоқати сабаб менинг кумирим бўлган, аммо Дель Пьерони ҳам мисол қилиб келтира оламан. «Ювентус» каби клубда узоқ вақт қолиш осон эмас», деди футболчи.
Шунингдек, Маккенни Душан Влаховичга келажаги бўйича бир қарорга келиши учун халақит бермаслик ва унга жой ажратиш мақсадида хабар ёзмаганини таъкидлаб ўтди.
