«Napoli» hujumchisi Romelu Lukaku «Fenerbaxche»ga o‘tishga yaqin turibdi.
Taniqli insayder Fabrisio Romano ma’lumotiga ko‘ra, Turkiya klubi belgiyalik futbolchi bilan shaxsiy shartnoma shartlari bo‘yicha kelishuvga erishgan. Endi tomonlarga futbolchining transferi borasida «Napoli» bilan yakuniy kelishuvga erishish qoldi.
«Fenerbaxche» avvalroq Lukaku uchun 6 million yevro taklif qilgan, biroq «Napoli» ushbu summani rad etgan. Shunga qaramay, Istanbul klubi futbolchini xarid qilish niyatidan qaytmagan va neapolliklarga yangi taklif tayyorlamoqda.
Lukaku 2024 yildan buyon «Napoli» sharafini himoya qilib kelmoqda. U klub safida jami 45 ta uchrashuvda 15 ta gol va 11 ta golli uzatma qayd etgan.
