«Наполи» ҳужумчиси Ромелу Лукаку «Фенербахче»га ўтишга яқин турибди.
Таниқли инсайдер Фабрицио Романо маълумотига кўра, Туркия клуби бельгиялик футболчи билан шахсий шартнома шартлари бўйича келишувга эришган. Энди томонларга футболчининг трансфери борасида «Наполи» билан якуний келишувга эришиш қолди.
«Фенербахче» аввалроқ Лукаку учун 6 миллион евро таклиф қилган, бироқ «Наполи» ушбу суммани рад этган. Шунга қарамай, Истанбул клуби футболчини харид қилиш ниятидан қайтмаган ва неаполликларга янги таклиф тайёрламоқда.
Лукаку 2024 йилдан буён «Наполи» шарафини ҳимоя қилиб келмоқда. У клуб сафида жами 45 та учрашувда 15 та гол ва 11 та голли узатма қайд этган.
