«Arsenal» bosh murabbiyi Mikel Arteta «Borussiya» Dortmundga qarshi 2:3 hisobidagi mag‘lubiyatdan so‘ng jamoaning yangi mavsumga tayyorgarligi haqida ma’lumot berdi.

Ispaniyalik murabbiy jahon chempionatida ishtirok etgan futbolchilarning jamoaga qaytishi borasida ham to‘xtaldi. Uning aytishicha, Angliya va Ispaniya terma jamoalari futbolchilarining ayrimlari o‘yinni kuzatish uchun bugun jamoa ixtiyoriga qaytgan.

Arteta Bukayo Saka va David Rayya jamoaga rejadan bir kun oldin — kecha qo‘shilganini ta’kidladi.

«Bu juda yaxshi belgi. Saka va Rayya kecha qaytishdi, ya’ni rejalashtirilganidan biroz ertaroq. Bu juda yaxshi», — dedi Arteta.

«Arsenal» bosh murabbiyi barcha futbolchilar ertaga to‘liq mashg‘ulot dasturini boshlash uchun ixtiyorida bo‘lishini ma’lum qildi.

«Ertaga barcha futbolchilar mashg‘ulot dasturini boshlash uchun mavjud bo‘ladi», — dedi u.