"Real Madrid" bosh murabbiyi Joze Mourinyo 2013 yilda "Manchester Yunayted"ni boshqarish haqidagi fikrini o‘zgartirib, "Chelsi"ga qaytganining sababini tushuntirdi.
"Real Madrid"ni tark etganimdan so‘ng, ser Aleks Fergyuson ketganidan keyin "Manchester Yunayted"ni boshqarish uchun oldindan shartnoma imzoladim. Bu taklif menga juda yoqdi, chunki "Manchester Yunayted" nihoyatda jozibali edi.
Ammo futbolga muhabbat bir narsa, ma’lum bir klubga muhabbat esa boshqa narsa. Menimcha, bu futbolga muhabbatdan kuchliroq va "Real Madrid"dan keyin menga kerak bo‘lgan eng muhim narsa sevilishni his qilish edi.
Ser Aleks Fergyusonning o‘rnini egallash imkoniyatini qo‘ldan boy berish men uchun dramatik lahzalar bo‘ldi, lekin men bundan afsuslanmayman, chunki bu chin yurakdan qabul qilingan qaror edi", dedi Mourinyo Netflix hujjatli filmida.
Portugaliyalik murabbiy keyinchalik "Manchester Yunayted" bilan ishlashga muvaffaq bo‘ldi - 2016 yildan 2018 yilgacha, "Qizil iblislar" bilan Yevropa Ligasi, Angliya Ligasi Kubogi va Angliya Superkubogini qo‘lga kiritdi.
