"Реал Мадрид" бош мураббийи Жозе Моуриньо 2013 йилда "Манчестер Юнайтед"ни бошқариш ҳақидаги фикрини ўзгартириб, "Челси"га қайтганининг сабабини тушунтирди.
"Реал Мадрид"ни тарк этганимдан сўнг, сэр Алекс Фергюсон кетганидан кейин "Манчестер Юнайтед"ни бошқариш учун олдиндан шартнома имзоладим. Бу таклиф менга жуда ёқди, чунки "Манчестер Юнайтед" ниҳоятда жозибали эди.
Аммо футболга муҳаббат бир нарса, маълум бир клубга муҳаббат эса бошқа нарса. Менимча, бу футболга муҳаббатдан кучлироқ ва "Реал Мадрид"дан кейин менга керак бўлган энг муҳим нарса севилишни ҳис қилиш эди.
Сэр Алекс Фергюсоннинг ўрнини эгаллаш имкониятини қўлдан бой бериш мен учун драматик лаҳзалар бўлди, лекин мен бундан афсусланмайман, чунки бу чин юракдан қабул қилинган қарор эди", деди Моуриньо Netflix ҳужжатли фильмида.
Португалиялик мураббий кейинчалик "Манчестер Юнайтед" билан ишлашга муваффақ бўлди - 2016 йилдан 2018 йилгача, "Қизил иблислар" билан Европа Лигаси, Англия Лигаси Кубоги ва Англия Суперкубогини қўлга киритди.
