«Barselona» himoyachisi Jyul Kunde Angliya Premyer-ligasi klublarining qiziqish doirasiga tushdi.

Ispaniyalik jurnalist Jerar Romero ma’lum qilishicha, 27 yoshli futbolchi Angliya chempionati vakillaridan takliflarga ega. Endi Kundening ushbu takliflarga munosabati va kelajagi bo‘yicha qabul qiladigan qarori kutilmoqda.

«Kunde Angliya ligasidan takliflar olmoqda. Endi uning nima qilishini kutishimiz kerak. Ko‘ramiz, u qanday qaror qabul qiladi», — dedi Romero.

Kunde 2022 yilda «Sevilya»dan «Barselona»ga ko‘chib o‘tgan. Kataloniya klubi 2025 yil avgust oyida fransuz himoyachisi bilan shartnomani 2030 yil 30 iyuniga qadar uzaytirgan.

Transfermarkt ma’lumotlariga ko‘ra, Kundening ayni paytdagi bozor qiymati 60 million yevroni tashkil etmoqda. U «Barselona» tarkibida asosan o‘ng qanot himoyachisi sifatida harakat qilmoqda.

Futbolchining Angliya klublaridan tushgan takliflar bo‘yicha yakuniy qarori hozircha ma’lum emas.