«Barselona»dan ijaraga olingan «Liverpul» markaziy himoyachisi Ronald Arauxo o‘z vatandoshi Luis Suares haqida fikr bildirdi.

Mashhur hujumchi mersisaydliklar klubi tarixidagi birinchi urugvaylik futbolchiga aylangan edi — u 2011 yilning boshida jamoaga kelib qo‘shilgan.

«Urugvayda Premyer-ligani tomosha qilishni juda yaxshi ko‘rishadi. Albatta, bolaligimda Suaresning «Liverpul»dagi ajoyib o‘yinlarini kuzatib borganman. Bu yerda u qanday muvaffaqiyatlarga erishganini va tarixda qanday iz qoldirganini hammamiz juda yaxshi bilamiz. Luis bilan munosabatlarim yaxshi, juda inoqmiz. Yaqindagina undan xabar oldim — u menga eng ezgu tilaklarini bildirdi va ajoyib klubga o‘tganimni aytdi», — deydi Arauxoning so‘zlarini keltirgan «Liverpul» matbuot xizmati.

Eslatib o‘tamiz, 2014 yilda Luis Suares «Barselona»ga o‘tgan edi, hozirda esa u «Inter Mayami» sharafini himoya qilmoqda.