«Барселона»дан ижарага олинган «Ливерпуль» марказий ҳимоячиси Рональд Араухо ўз ватандоши Луис Суарес ҳақида фикр билдирди.

Машҳур ҳужумчи мерсисайдликлар клуби тарихидаги биринчи уругвайлик футболчига айланган эди — у 2011 йилнинг бошида жамоага келиб қўшилган.

«Уругвайда Премьер-лигани томоша қилишни жуда яхши кўришади. Албатта, болалигимда Суареснинг «Ливерпуль»даги ажойиб ўйинларини кузатиб борганман. Бу ерда у қандай муваффақиятларга эришганини ва тарихда қандай из қолдирганини ҳаммамиз жуда яхши биламиз. Луис билан муносабатларим яхши, жуда иноқмиз. Яқиндагина ундан хабар олдим — у менга энг эзгу тилакларини билдирди ва ажойиб клубга ўтганимни айтди», — дейди Араухонинг сўзларини келтирган «Ливерпуль» матбуот хизмати.

Эслатиб ўтамиз, 2014 йилда Луис Суарес «Барселона»га ўтган эди, ҳозирда эса у «Интер Майами» шарафини ҳимоя қилмоқда.