«Yuventus» napadayushiysi Arkadiush Milik ushbu transfer oynasida jamoada qolishi amrimahol.

Insayder Nikolo Skiraning xabariga ko‘ra, Turin klubi polshalik futbolchini sotish ustida ishlamoqda. 32 yoshli futbolchi «keksa sinyora» bosh murabbiyi Luchano Spallettining rejalaridan o‘rin olmagan, garchi yaqinda Italiya OAVlari murabbiy hujumchiga imkoniyat berishga tayyorligi haqida yozgan bo‘lsa-da.

Arkadiush Milikning «Yuventus» bilan amaldagi shartnomasi kelasi yilning yozida o‘z nihoyasiga yetadi. Doimiy jarohat muammolari sababli futbolchi o‘tgan mavsumda bor-yo‘g‘i ikkita o‘yinda maydonga tushdi, undan oldingi kampaniyada esa umuman maydonda ko‘rinish bermagan edi.