"Inter" "Tottenxem" bilan o‘ng qanot himoyachisi Jed Spens borasida kelishuvga erishdi.

"Neradzurrilar" 30 million yevrodan ko‘p bo‘lmagan pul to‘lashga tayyor ekanliklarini aniq aytishdi va "shporlar" ham rozi bo‘lishdi, deb xabar beradi jurnalist Grem Beyli. "Inter" hozirda ingliz futbolchisining o‘zi uchun taklif tayyorlamoqda, u transferni oldindan ma’qullagan. Tomonlar tezda kelishuvga yaqinlashmoqdalar.

Transfermarkt Jed Spensning qiymatini 40 million yevro deb baholamoqda. 26 yoshli futbolchi "Tottenxem" safida 85 ta o‘yinda maydonga tushib, ikkita gol urgan va uchta golli uzatma bergan. Shunisi e’tiborga loyiqki, himoyachi o‘ng qanotda afzal ko‘rgan pozisiyasiga qaraganda chap qanotda ko‘proq maydonga tushirilgan.