"Интер" "Тоттенхэм" билан ўнг қанот ҳимоячиси Жед Спенс борасида келишувга эришди.
"Нерадзуррилар" 30 миллион евродан кўп бўлмаган пул тўлашга тайёр эканликларини аниқ айтишди ва "шпорлар" ҳам рози бўлишди, деб хабар беради журналист Грем Бэйли. "Интер" ҳозирда инглиз футболчисининг ўзи учун таклиф тайёрламоқда, у трансферни олдиндан маъқуллаган. Томонлар тезда келишувга яқинлашмоқдалар.
Transfermarkt Жед Спенснинг қийматини 40 миллион евро деб баҳоламоқда. 26 ёшли футболчи "Тоттенхэм" сафида 85 та ўйинда майдонга тушиб, иккита гол урган ва учта голли узатма берган. Шуниси эътиборга лойиқки, ҳимоячи ўнг қанотда афзал кўрган позициясига қараганда чап қанотда кўпроқ майдонга туширилган.
