Madridning «Real» klubi rahbariyati yarim himoyachi Eduardu Kamavinga «Manchester Siti»dan Rodrining transferi amalga oshmaganidan so‘ng o‘z imkoniyatlarini po‘l to‘liq namoyon eta olishiga ishonch bildirmoqda. Jurnalist Abraham Romeroning Defensa Central nashriga tayanib xabar berishicha, «qirollik klubi» 23 yoshli fransiyalik futbolchi kelajakda 100–120 million yevrolik toifadagi o‘yinchilar darajasiga chiqa olishiga ishonmoqda.

Manbaning ta’kidlashicha, klub Kamavinganing yuqori potensialini alohida e’tirof etmoqda va bosh murabbiy Joze Mourinyo uning eng yaxshi qirralarini ocha olishiga umid qilmoqda. Qayd etilishicha, agar Rodri transfer qilinganida, fransuz futbolchisi sotib yuborilar yoki ikkinchi darajali rolga o‘tib qolar edi.

O‘tgan mavsumda Kamavinga barcha turnirlarda 43 ta o‘yinda maydonga tushib, 2 ta gol urdi va 1 ta golli uzatmaga mualliflik qildi. Uning «Real» bilan amaldagi shartnomasi 2029 yilning yozigacha mo‘ljallangan. Transfermarkt portali ma’lumotlariga ko‘ra, futbolchining hozirgi bozor qiymati 50 million yevroni tashkil etadi.