Мадриднинг «Реал» клуби раҳбарияти ярим ҳимоячи Эдуарду Камавинга «Манчестер Сити»дан Родрининг трансфери амалга ошмаганидан сўнг ўз имкониятларини пўл тўлиқ намоён эта олишига ишонч билдирмоқда. Журналист Абраҳам Ромеронинг Defensa Central нашрига таяниб хабар беришича, «қироллик клуби» 23 ёшли франциялик футболчи келажакда 100–120 миллион евролик тоифадаги ўйинчилар даражасига чиқа олишига ишонмоқда.

Манбанинг таъкидлашича, клуб Камавинганинг юқори потенциалини алоҳида эътироф этмоқда ва бош мураббий Жозе Моуриньо унинг энг яхши қирраларини оча олишига умид қилмоқда. Қайд этилишича, агар Родри трансфер қилинганида, француз футболчиси сотиб юборилар ёки иккинчи даражали ролга ўтиб қолар эди.

Ўтган мавсумда Камавинга барча турнирларда 43 та ўйинда майдонга тушиб, 2 та гол урди ва 1 та голли узатмага муаллифлик қилди. Унинг «Реал» билан амалдаги шартномаси 2029 йилнинг ёзигача мўлжалланган. Transfermarkt портали маълумотларига кўра, футболчининг ҳозирги бозор қиймати 50 миллион еврони ташкил этади.