Ispaniyaning mashhur Marca nashri tarqatgan ma’lumotlarga ko‘ra, «Manchester Siti» yarim himoyachisi Rodrini («Barselona»ga o‘tishga yaqin turgan) sotib olish imkoniyati boy berilgach, Madridning «Real» klubi o‘z transfer rejalarini o‘zgartirmaslikka qaror qildi. Markaziy hududdagi bu rol avvalroq jamoaga kelib qo‘shilgan portugaliyalik Bernardu Silvaga topshiriladi.

Shuningdek, «Arsenal» a’zosi Martin Subimendiga madridliklar tomonidan qiziqish borligi haqidagi mish-mishlar hech qanday asosga ega emasligi ta’kidlanmoqda. Klub rahbariyati va bosh murabbiy Joze Mourinyu, shuningdek, Arda Gyuler hamda Tyago Pitarch kabi yosh futbolchilarning tayanch va markaziy zonadagi salohiyatiga to‘liq ishonch bildirmoqda.

«Real» markazga yangi xaridlarni amalga oshirishni faqatgina tarkibdagi mavjud yarim himoyachilar sotilgan taqdirdagina ko‘rib chiqadi. Ayni vaqtda Federiko Valverde, Orelyen Tchuameni va Eduardu Kamavingaga Angliya Premyer-ligasi klublaridan jiddiy qiziqishlar bo‘lmoqda. Agar ushbu futbolchilardan biri jamoani tark etsa, madridliklar maydon markazi uchun yangi nomzodlarni ko‘rib chiqishga majbur bo‘lishadi.