«Barselona»ning 20 yoshli himoyachisi Ektor Fort faoliyatini Germaniya Bundesligasida davom ettirishi mumkin. Sky Sport Deutschland nashri xabariga ko‘ra, Dortmundning «Borussiya» klubi ispaniyalik futbolchini «Komo»ga o‘tib ketgan Yan Koutoning o‘rinbosari sifatida ko‘rib chiqmoqda.

Dortmundliklar yosh himoyachining o‘yinlarini sinchkovlik bilan kuzatib borishmoqda va u haqida batafsil ma’lumot to‘plashgan.

Fort o‘tgan mavsumni arenda asosida «Elche» klubida o‘tkazdi. U La Liga doirasida 14 ta o‘yinda maydonga tushib, o‘z hisobiga 2 ta gol yozib qo‘yishga erishgan.