«Bavariya» sport direktori Maks Eberl Myunxen klubi transfer oynasi yopilguniga qadar Joau Palinya, Sasha Boe va Brayan Saragosani sotishga umid qilayotganini ma’lum qildi. Uning so‘zlariga ko‘ra, ushbu uch futbolchi bosh murabbiy Vensan Kompanining kelajakdagi rejalaridan o‘rin olmagan.
«Biz o‘z rejamizni klub ichida ham, tashqarida ham aniq belgilab olganmiz. Harakatlar bor. «Aston Villa» Palinya bo‘yicha biz bilan bog‘landi, ammo hozircha bir qarorga kelganimiz yo‘q», — dedi Eberl.
«Bavariya» rahbariyati maoshlar qaydnomasini qisqartirish maqsadida futbolchilarni arendaga berishdan ko‘ra to‘liq sotib yuborishni ma’qul ko‘rmoqda. Myunxenliklar uchun transfer oynasi yopilguniga qadar ikki yarim hafta vaqt qoldi.
