«Бавария» спорт директори Макс Эберль Мюнхен клуби трансфер ойнаси ёпилгунига қадар Жоау Пальинья, Саша Боэ ва Брайан Сарагосани сотишга умид қилаётганини маълум қилди. Унинг сўзларига кўра, ушбу уч футболчи бош мураббий Венсан Компанининг келажакдаги режаларидан ўрин олмаган.
«Биз ўз режамизни клуб ичида ҳам, ташқарида ҳам аниқ белгилаб олганмиз. Ҳаракатлар бор. «Астон Вилла» Пальинья бўйича биз билан боғланди, аммо ҳозирча бир қарорга келганимиз йўқ», — деди Эберль.
«Бавария» раҳбарияти маошлар қайдномасини қисқартириш мақсадида футболчиларни арендага беришдан кўра тўлиқ сотиб юборишни маъқул кўрмоқда. Мюнхенликлар учун трансфер ойнаси ёпилгунига қадар икки ярим ҳафта вақт қолди.
