«Sheffild Uensdey» direktorlar kengashi raisi Devid Storch klubning sobiq tarbiyalanuvchisi va «Lester Siti»ning sobiq hujumchisi Jeymi Vardini jamoaga qaytarish istagida ekanini ma’lum qildi.
«Vaqti kelib bu voqeani to‘liq aytib bera olaman. Balki hozir buning uchun eng qulay vaqt emasdir. Ammo ha, Jeymi — biz klubimizda ko‘rishni istaydigan futbolchi. Qisqacha aytganda, uni safimizda ko‘rishdan juda xursand bo‘lardik. Afsuski, klubning moliyaviy holati bilan bog‘liq ayrim cheklovlar mavjud. Biz Jeymiga mos keladigan taklif tayyorlash uchun bu muammolarni qanday hal qilish mumkinligi ustida ishlayapmiz», — dedi Storch talkSPORT nashriga bergan intervyusida.
Eslatib o‘tamiz, Jeymi Vardi «Sheffild Uensdey» akademiyasi tarbiyalanuvchisi hisoblanadi. Klub rahbariyati tajribali hujumchini yana jamoa safiga qaytarish imkoniyatlarini izlamoqda.
