«Manchester Yunayted» bosh murabbiyi Maykl Kerrik jamoaning «Milan»ga qarshi o‘rtoqlik uchrashuvida 2:4 hisobidagi mag‘lubiyatidan so‘ng fikr bildirdi. Uchrashuv 15 avgust kuni Polshada bo‘lib o‘tdi.
«Yunayted» ikki marta hisobda oldinda bordi, ammo yakunda mag‘lub bo‘ldi.
«Bugun biz xafamiz. Biz yomon o‘ynadik. Buning sabablari bor, ammo hech qanday bahona yo‘q. Biz kuchayishimiz kerak. Umuman olganda, keyingi haftaga tayyormiz. Bu o‘yin ko‘plab futbolchilarga foyda keltiradi. Biz mashg‘ulotlarda ko‘p ishladik, o‘yinlardagi ishtiroklarimiz ham ancha yaxshi bo‘ldi. Biz hanuz yaxshi kayfiyatni saqlab qolmoqdamiz», — deya Kerrikning so‘zlarini keltiradi Goal.com.
