Londonning "Arsenal" klubi o‘ng qanot himoyachisi Ben Uayt transfer oynasi yopilguniga qadar jamoasini o‘zgartirishi mumkin.
28 yoshli futbolchiga "Everton" da’vogarlik qilmoqda, ularning qiziqishi haqida iyun oyidayoq xabar berilgan edi. Football Insider ma’lumotiga ko‘ra, agar "to‘pchilar" "Aston Villa"dan Ezri Konsani sotib olishsa, "irislar" Uayt bo‘yicha taklif berishga tayyor.
Ben Uaytning o‘zi ham "Everton"ga o‘tishga qarshi emas — u muntazam ravishda asosiy tarkibda maydonga tushishni istaydi, Mikel Arteta jamoasida esa bunga umid qilish qiyin. Transfermarkt mutaxassislarining baholashicha, angliyalik futbolchining bozor qiymati 30 million yevroni tashkil etadi, uning amaldagi shartnomasi esa 2028 yilda nihoyasiga yetadi.
