Лондоннинг "Арсенал" клуби ўнг қанот ҳимоячиси Бен Уайт трансфер ойнаси ёпилгунига қадар жамоасини ўзгартириши мумкин.

28 ёшли футболчига "Эвертон" даъвогарлик қилмоқда, уларнинг қизиқиши ҳақида июнь ойидаёқ хабар берилган эди. Football Insider маълумотига кўра, агар "тўпчилар" "Астон Вилла"дан Эзри Консани сотиб олишса, "ирислар" Уайт бўйича таклиф беришга тайёр.

Бен Уайтнинг ўзи ҳам "Эвертон"га ўтишга қарши эмас — у мунтазам равишда асосий таркибда майдонга тушишни истайди, Микель Артета жамоасида эса бунга умид қилиш қийин. Transfermarkt мутахассисларининг баҳолашича, англиялик футболчининг бозор қиймати 30 миллион еврони ташкил этади, унинг амалдаги шартномаси эса 2028 йилда ниҳоясига етади.