"Komo" bosh murabbiyi Sesk Fabregas futbolchilarini "Liverpul"ga qarshi mavsumoldi so‘nggi o‘rtoqlik uchrashuvidan maksimal darajada foydalanishga chaqirdi.
A Seriya vakili "Enfild"da "Liverpul" mehmoni bo‘ladi. Fabregasning fikricha, mazkur uchrashuv jamoaga dunyoning eng kuchli klublaridan biriga qarshi o‘z imkoniyatlarini yana bir bor sinab ko‘rish imkonini beradi.
Ispaniyalik mutaxassis yangi mavsum boshlanishiga atigi bir hafta qolganini inobatga olib, futbolchilardan to‘liq konsentrasiya talab qildi. U "Liverpul"ga qarshi bahsni rasmiy o‘yinlar oldidan so‘nggi muhim tekshiruv sifatida baholadi.
"Komo" 2026/27 yilgi A Seriya mavsumini 22 avgust kuni "Udineze"ga qarshi uchrashuv bilan boshlaydi.
Jamoa uchun yangi mavsum tarixiy ahamiyatga ega bo‘ladi. "Komo" o‘tgan mavsum natijalariga ko‘ra ilk bor Chempionlar ligasi yo‘llanmasini qo‘lga kiritgan va endilikda Yevropa klub futbolidagi eng nufuzli turnirda debyut qiladi.
