Madridning «Real» klubi yarim himoyachisi Eduardo Kamavinga Angliya Premyer-ligasiga ko‘chib o‘tishi mumkin.

The Athletic nashri xabariga ko‘ra, fransuz xavbekining xizmatlariga «Manchester Yunayted» qiziqish bildirmoqda. Joze Mourinyu uni o‘z loyihasida asosiy o‘yinchi deb hisoblamagani sababli «qaymoqranglilar» futbolchi bo‘yicha takliflarni ko‘rib chiqishga tayyor. Shuningdek, Kamavinganing atrofidagi vaziyatni «Manchester Siti» ham kuzatib bormoqda.

O‘tgan mavsumda 23 yoshli Kamavinga barcha turnirlarda 43 ta o‘yinda maydonga tushib, 2 ta gol urdi va 1 ta golli uzatmaga mualliflik qildi.

Transfermarkt portali ma’lumotlariga ko‘ra, yarim himoyachining bozor qiymati 50 million yevroni tashkil etadi.