Мадриднинг «Реал» клуби ярим ҳимоячиси Эдуардо Камавинга Англия Премьер-лигасига кўчиб ўтиши мумкин.

The Athletic нашри хабарига кўра, француз хавбекининг хизматларига «Манчестер Юнайтед» қизиқиш билдирмоқда. Жозе Моуринью уни ўз лойиҳасида асосий ўйинчи деб ҳисобламагани сабабли «қаймоқранглилар» футболчи бўйича таклифларни кўриб чиқишга тайёр. Шунингдек, Камавинганинг атрофидаги вазиятни «Манчестер Сити» ҳам кузатиб бормоқда.

Ўтган мавсумда 23 ёшли Камавинга барча турнирларда 43 та ўйинда майдонга тушиб, 2 та гол урди ва 1 та голли узатмага муаллифлик қилди.

Transfermarkt портали маълумотларига кўра, ярим ҳимоячининг бозор қиймати 50 миллион еврони ташкил этади.