«Liverpul» yarim himoyachisi Rayan Gravenberx transferlar oynasi yopilguniga qadar jamoa tarkibi yana kuchaytirilishi mumkinligi haqidagi savolga javob berdi.
«Bu klubning qaroriga bog‘liq. Nazarimda, hozir ham tarkibimizda yaxshi futbolchilar bor. Ammo rahbariyat yana o‘yinchilarni xarid qilishni istasa, nima bo‘lishini ko‘ramiz.
Biz o‘tgan mavsumdagidan ancha yaxshiroq natija ko‘rsatishimiz kerak. Jamoaning eng kam maqsadi qanday? Buni mavsum davomida ko‘ramiz», — dedi niderlandiyalik yarim himoyachi.
Gravenberxning fikricha, yangi transferlar masalasi klub rahbariyatiga bog‘liq. Futbolchi esa jamoa oldidagi aniq vazifalar haqida gapirishga shoshilmadi.
