Transfermarkt 2027 yil iyun oyida shartnomasi yakunlanadigan eng qimmat futbolchilar ro‘yxatini taqdim etdi. Ma’lumotlar 2026 yil 16 avgust holatiga ko‘ra tuzilgan.
Reytingni «Bavariya» hujumchisi Xarri Keyn boshqarmoqda. 33 yoshli angliyalikning bozor qiymati 60 mln yevro deb baholangan. «Manchester Siti»dan «Barselona»ga o‘tishi kutilayotgan Rodri 55 mln yevro bilan ikkinchi, «Inter» himoyachisi Federiko Di Marko esa 50 mln yevro bilan uchinchi o‘rinda.
Kuchli o‘nlik:
- Xarri Keyn — «Bavariya», 60 mln yevro;
- Rodri — «Manchester Siti», 55 mln yevro;
- Federiko Di Marko — «Inter», 50 mln yevro;
- Lisandro Martines — «Manchester Yunayted», 45 mln yevro;
- Gabriel Martinelli — «Arsenal», 45 mln yevro;
- Kristian Pulishich — «Milan», 40 mln yevro;
- Yasin Ayari — «Brayton», 40 mln yevro;
- Senni Mayyulyu — PSJ, 35 mln yevro;
- Brunu Fernandesh — «Manchester Yunayted», 35 mln yevro;
- Braim Dias — «Real», 35 mln yevro.
Ro‘yxatdan Kyortis Jons, Jan-Filipp Mateta, Kalvin Bassi, Joau Feliks, David Raum va Risharlison kabi futbolchilar ham o‘rin olgan. Agar klublar ular bilan yangi bitim tuzmasa, o‘yinchilar 2027 yil yanvaridan boshlab boshqa jamoalar bilan dastlabki shartnoma bo‘yicha muzokara o‘tkazish huquqiga ega bo‘ladi.
