"Manchester Siti" bosh murabbiyi Enso Mareska Angliya Superkubogida "Arsenal"ga qarshi 0:3 hisobida yakunlangan uchrashuvda Jek Grilishning o‘yiniga baho berdi va futbolchining kelajagi haqida fikr bildirdi.

"Umuman olganda, Jek Grilish yaxshi o‘ynadi, deb hisoblayman. Hozir ham jamoada bo‘lgan futbolchilar har kuni ishlashni istashmoqda. Agar ular bunga munosib bo‘lsa, o‘yin amaliyotiga ega bo‘ladi.

Uning kelajagi bo‘yicha qaror qabul qilinganmi? Hozir transfer oynasi ochiq. Shuning uchun keyin nima bo‘lishini ko‘ramiz", — dedi Mareska.

Italiyalik mutaxassis "Lill" yarim himoyachisi Ayyub Buaddining ehtimoliy transferi haqidagi savolga ham javob berdi.

"Ayyub Buaddi? U hali ham "Lill" futbolchisi. Ammo har qanday yangi transfer yoki yangi futbolchilar haqida gapiradigan bo‘lsak, albatta, ular qanchalik tez jamoaga qo‘shilsa, shunchalik yaxshi. Chunki bir haftadan keyin Premyer-ligadagi ishtirokimizni boshlaymiz.

Ular biz bilan qanchalik erta ish boshlasa, shunchalik yaxshi bo‘ladi. Chunki shu orqali biz aynan qanday futbol o‘ynamoqchi ekanimizni ham tezroq tushunib olishadi", — deya Mareskaning so‘zlarini manba keltiradi.

"Manchester Siti" yaqin vaqt ichida yangi futbolchilar bilan tarkibni kuchaytirishi mumkin. Mareska esa ehtimoliy yangi a’zolarni Premyer-liga startiga qadar jamoa mashg‘ulotlariga jalb qilish tarafdori ekanini ochiq bildirdi.