Milanning «Inter» klubi yarimhimoyachisi Xakan Chalxanoglu yangi mavsum oldidan jamoaning ahvoli va ichki muhiti haqida fikr bildirdi.

O‘tgan mavsumda «neradzurri» Simone Indzagi ketib, o‘rniga Kristian Kivu tayinlanganidan so‘ng pessimistik taxminlarga qaramay, Italiya A Seriyasi va Italiya Kubogida zafar quchgan edi.

«Hamma «Inter» o‘lmoqda deb o‘ylaydi, ammo jamoamizda xarakter bor. Biz qiyinchiliklarni yengib o‘tishni bilamiz. Tarkibimiz shakllangan, futbolchilar ko‘p yillardan beri birga o‘ynab kelishmoqda va og‘ir vaziyatlarda qanday harakat qilishni, o‘zimizni qo‘lga olishni yaxshi bilamiz. Bu bizni boshqalardan ajratib turadi», — dedi Chalxanoglu Football-Italia nashriga.

Eslatib o‘tamiz, «Inter» Italiya chempionatining 1-turi doirasida 22 avgust kuni o‘z maydonida «Monsa»ga qarshi bahs olib boradi.