Milanning «Inter» klubi yarimhimoyachisi Xakan Chalxanoglu jamoaning sobiq hamda amaldagi bosh murabbiylari Simone Indzagi va Kristian Kivu haqida fikr bildirdi.
Indzagi 2021–2025 yillarda «neradzurri»ni boshqarib, so‘ng Saudiya Arabistonining «Al-Hilol» klubiga o‘tgan edi. Uning o‘rnini egallagan Kristian Kivu esa o‘tgan mavsumda «Inter» bilan A Seriya va Italiya Kubogida zafar quchdi.
«Indzagi haqida hech qanday yomon gap ayta olmayman. U meni «Inter»da ko‘rishni xohlagan — aynan u sababli men shu yerdaman. U bilan ishlash davomida futbolchi va shaxs sifatida juda o‘sdim.
Kivu bilan esa hammasi boshqacha — u uchun birinchi o‘rinda futbol emas, insoniylik turadi. U o‘zingni qanday his qilayotganing bilan qiziqadi, hamisha ochiq va senga ishonch bag‘ishlaydi. Albatta, Kristian taktikaga ham vaqt ajratadi, ammo maydondan tashqarida u xuddi aka yoki do‘stdek — u bilan har qanday mavzuni muhokama qilish mumkin. Hal qilishim kerak bo‘lgan muammolar ko‘p edi va murabbiy menga juda katta yordam berdi», — dedi turkiyalik futbolchi Football-Italia nashriga.
Eslatib o‘tamiz, «Inter» Italiya A Seriyasining 1-turida 22 avgust kuni o‘z maydonida «Monsa»ga qarshi bahs olib boradi
