«Barselona» futbolchisi Fermin Lopes «Atletiko» hujumchisi Xulian Alvaresning kataloniyaliklar safiga ehtimoliy transferi haqida fikr bildirdi.
«Menga Alvares yoqadi. U juda yaxshi futbolchi, ammo hozir u Madridning «Atletiko» klubida to‘p tepmoqda. Faqat shuni aytishim mumkinki, u «Barselona»ga mos tushgan bo‘lardi», — deya Lopesning so‘zlarini diariARA nashri keltirmoqda.
Butun transfer oynasi davomida «Barselona» Alvaresni sotib olishni istayotgani haqida xabarlar tarqalmoqda. Biroq «Atletiko» o‘z hujumchisini raqobatchi klubga qo‘yib yuborish niyatida emas.
2025/26 mavsumida argentinalik hujumchi 49 ta o‘yinda 20 ta gol urdi. Shuningdek, u 9 ta golli uzatmani ham amalga oshirdi.
