«Барселона» футболчиси Фермин Лопес «Атлетико» ҳужумчиси Хулиан Альвареснинг каталонияликлар сафига эҳтимолий трансфери ҳақида фикр билдирди.

«Менга Альварес ёқади. У жуда яхши футболчи, аммо ҳозир у Мадриднинг «Атлетико» клубида тўп тепмоқда. Фақат шуни айтишим мумкинки, у «Барселона»га мос тушган бўларди», — дея Лопеснинг сўзларини diariARA нашри келтирмоқда.

Бутун трансфер ойнаси давомида «Барселона» Альваресни сотиб олишни истayotgani ҳақида хабарлар тарқалмоқда. Бироқ «Атлетико» ўз ҳужумчисини рақобатчи клубга қўйиб юбориш ниятида эмас.

2025/26 мавсумида аргентиналик ҳужумчи 49 та ўйинда 20 та гол урди. Шунингдек, у 9 та голли узатмани ҳам амалга оширди.