O‘zbekiston Superligasining 18-turidan o‘rin olgan "Buxoro" — "Neftchi" uchrashuvi oldidan jamoalarning boshlang‘ich tarkiblari ma’lum bo‘ldi.
Bahs 18 avgust kuni "Buxoro FA" stadionida soat 20:00 da boshlanadi. Uchrashuvni Firdavs Norsafarov boshchiligidagi hakamlar brigadasi boshqarib boradi. Unga qanotlarda Zufar Eliboyev va Elnur Doniyorov yordam beradi. VAR hakami vazifasini Asker Najafaliyev, AVAR vazifasini esa Alisher Usmonov bajaradi.
"Buxoro" bosh murabbiyi Aleksandr Xomyakov boshlang‘ich tarkibga Umidjon Hamroyev, Xurshidbek Muxtorov, Kiril Todorov, Sardor Qulmatov, Shahboz Jo‘rabekov, Sherzod Esanov, Vladimir Rodich, Javohir Ro‘ziyev, Ravshan Xayrullayev, Temur Mamasiddiqov va Shahzodbek Ubaydullayevni kiritdi.
Buxoroliklar zaxirasidan Nodirbek Ahmadjonov, Abbos Umarov, Islombek Baratov, Quvondiq Ro‘ziyev, Nika Kachavara, Anvarjon Jo‘rayev, Asilbek Qayumov, Shirinboy Abdullayev va Dominik Begich joy olgan.
"Neftchi" bosh murabbiyi Islombek Ismoilov esa Botirali Ergashev, Nurmuhammad Abdug‘aniyev, Boyan Siger, Muhsinjon Ubaydullayev, Ibrohimhalil Yo‘ldoshev, Farrux Sayfiyev, Xurshid G‘iyosov, Asilbek Jumayev, Vladimir Yovovich, Alisher Odilov va Stipe Perisani asosiy tarkibda maydonga tushiradi.
Farg‘onaliklar zaxirasidan Rustambek Fomin, Izzatillo Po‘latov, Azizbek Erimbetov, Nurbek Sarsenbayev, Koffi Kuao, Akbar To‘rayev, Bilolxon Toshmirzayev, Zoran Marushich va Jamshid Iskanderov joy oldi.
