Ўзбекистон Суперлигасининг 18-туридан ўрин олган "Бухоро" — "Нефтчи" учрашуви олдидан жамоаларнинг бошланғич таркиблари маълум бўлди.
Баҳс 18 август куни "Бухоро ФА" стадионида соат 20:00 да бошланади. Учрашувни Фирдавс Норсафаров бошчилигидаги ҳакамлар бригадаси бошқариб боради. Унга қанотларда Зуфар Элибоев ва Элнур Дониёров ёрдам беради. VAR ҳаками вазифасини Аскер Нажафалиев, AVAR вазифасини эса Алишер Усмонов бажаради.
"Бухоро" бош мураббийи Александр Хомяков бошланғич таркибга Умиджон Ҳамроев, Хуршидбек Мухторов, Кирил Тодоров, Сардор Қулматов, Шаҳбоз Жўрабеков, Шерзод Эсанов, Владимир Родич, Жавоҳир Рўзиев, Равшан Хайруллаев, Темур Мамасиддиқов ва Шаҳзодбек Убайдуллаевни киритди.
Бухороликлар захирасидан Нодирбек Аҳмаджонов, Аббос Умаров, Исломбек Баратов, Қувондиқ Рўзиев, Ника Качавара, Анваржон Жўраев, Асилбек Қаюмов, Ширинбой Абдуллаев ва Доминик Бегич жой олган.
"Нефтчи" бош мураббийи Исломбек Исмоилов эса Ботирали Эргашев, Нурмуҳаммад Абдуғаниев, Боян Сигер, Муҳсинжон Убайдуллаев, Иброҳимҳалил Йўлдошев, Фаррух Сайфиев, Хуршид Ғиёсов, Асилбек Жумаев, Владимир Йовович, Алишер Одилов ва Стипе Перицани асосий таркибда майдонга туширади.
Фарғоналиклар захирасидан Рустамбек Фомин, Иззатилло Пўлатов, Азизбек Эримбетов, Нурбек Сарсенбаев, Коффи Куао, Акбар Тўраев, Билолхон Тошмирзаев, Зоран Марушич ва Жамшид Искандеров жой олди.
