Pokistonning Lahor shahrida taekvondo WT bo‘yicha "World Taekwondo President’s Cup – Asia" musobaqasi start oldi.
Turnirning birinchi kunida O‘zbekiston terma jamoasi a’zolari muvaffaqiyatli ishtirok etib, jami 4 ta medalni qo‘lga kiritdi. Hamyurtlarimiz 3 ta kumush va 1 ta bronza medaliga sazovor bo‘lishdi.
Kumush medallarni -74 kg vazn toifasida Najmiddin Qosimhojiyev, -62 kgda Diora Azizova hamda +73 kgda Svetlana Saidova qo‘lga kiritdi.
+87 kg vazn toifasida ishtirok etgan Marat Mavlonov esa bronza medali sohibi bo‘ldi.
Shu tariqa, O‘zbekiston taekvondochilari "WT President’s Cup" musobaqasining dastlabki kunini 4 ta medal bilan yakunladi.
