Покистоннинг Лаҳор шаҳрида таэквондо WT бўйича "World Taekwondo President’s Cup – Asia" мусобақаси старт олди.

Турнирнинг биринчи кунида Ўзбекистон терма жамоаси аъзолари муваффақиятли иштирок этиб, жами 4 та медални қўлга киритди. Ҳамюртларимиз 3 та кумуш ва 1 та бронза медалига сазовор бўлишди.

Кумуш медалларни -74 кг вазн тоифасида Нажмиддин Қосимҳожиев, -62 кгда Диора Азизова ҳамда +73 кгда Светлана Саидова қўлга киритди.

+87 кг вазн тоифасида иштирок этган Марат Мавлонов эса бронза медали соҳиби бўлди.

Шу тариқа, Ўзбекистон таэквондочилари "WT President’s Cup" мусобақасининг дастлабки кунини 4 та медал билан якунлади.