Fransiya terma jamoasining yangi bosh murabbiyi Zinedin Zidan milliy jamoaning ilk tarkibini 17 sentyabr kuni e’lon qiladi. Bu haqda RMC Sport xabar berdi.
"Ko‘klar"ning yangi ustozi Millatlar ligasida Turkiya va Belgiyaga qarshi o‘yinlarga chaqiriladigan futbolchilar ro‘yxatini ma’lum qiladi. Tarkib Zidan davridagi ilk yig‘in boshlanishidan bir necha kun oldin e’lon qilinishi kutilmoqda. Mazkur yig‘in 21 sentyabr kuni start oladi.
Zidan boshchiligidagi Fransiya terma jamoasining ilk uy uchrashuvi oktyabr oyi boshida "Stad de Frans" stadionida o‘tkaziladi. Bu bahsda fransuzlar Italiya terma jamoasini qabul qiladi.
Ayni paytda Zidan va Fransiya futbol federasiyasi uning tayinlovi bilan bog‘liq tashkiliy masalalarni ham yakuniga yetkazmoqda.
Fransiya terma jamoasining Millatlar ligasidagi taqvimi:
- 25 sentyabr: Turkiya — Fransiya
- 28 sentyabr: Belgiya — Fransiya
- 2 oktyabr: Fransiya — Italiya
- 5 oktyabr: Fransiya — Belgiya
- 12 noyabr: Italiya — Fransiya
- 15 noyabr: Fransiya — Turkiya
