Kamerunlik yarim himoyachi Frank Zambo-Angissa «Napoli»da qolishga tayyor. Holbuki, futbolchi yoz boshida klubni tark etish niyatida edi.

calcionapoli1926.it ma’lumotiga ko‘ra, ayni paytda tomonlar shartnomani uzaytirish borasida kelishuvga juda yaqin. Yangi bitim 2030 yilga qadar amal qilishi kutilmoqda.

Angissaning amaldagi shartnomasi 2027 yilgacha mo‘ljallangan edi. «Napoli» esa futbolchini bir yildan keyin erkin agent sifatida tekinga qo‘yib yuborishni istamagan.

Kutilishicha, yangi kelishuv bilan bu masala hal etiladi. Tomonlar A Seriyaning yangi mavsumi start olishi arafasida shartnoma shartlarini deyarli to‘liq kelishib olgan.