«Buxoro» futbolchisi Sherzod Esanov joriy mavsumda professional faoliyatidagi eng yaxshi natijalaridan birini qayd etmoqda.

UZSL taqdim etgan statistikaga ko‘ra, Esanov «Buxoro»ga qadar faoliyati davomida turli klublar safida jami 75 ta uchrashuvda 7 ta gol urgan.

«Buxoro» tarkibida esa futbolchi atigi 17 ta o‘yinda 8 marta raqiblar darvozasini ishg‘ol qilishga ulgurdi. Shu tariqa, Esanov bir mavsumning o‘zida avvalgi 75 uchrashuvda urgan gollaridan ham ko‘proq to‘p kiritdi.

Bu ko‘rsatkich Sherzod Esanov uchun «Buxoro»dagi mavsum faoliyatidagi eng sermahsul davrga aylanganini ko‘rsatmoqda.