«Бухоро» футболчиси Шерзод Эсанов жорий мавсумда профессионал фаолиятидаги энг яхши натижаларидан бирини қайд этмоқда.
UZSL тақдим этган статистикага кўра, Эсанов «Бухоро»га қадар фаолияти давомида турли клублар сафида жами 75 та учрашувда 7 та гол урган.
«Бухоро» таркибида эса футболчи атиги 17 та ўйинда 8 марта рақиблар дарвозасини ишғол қилишга улгурди. Шу тариқа, Эсанов бир мавсумнинг ўзида аввалги 75 учрашувда урган голларидан ҳам кўпроқ тўп киритди.
Бу кўрсаткич Шерзод Эсанов учун «Бухоро»даги мавсум фаолиятидаги энг сермаҳсул даврга айланганини кўрсатмоқда.
