«Bavariya» hujumkor yarim himoyachisi Jamal Musiala ketma-ket ikkinchi o‘yinda hushini yo‘qotdi. Myunxen klubi direktori Maks Eberl ushbu holat yuzasidan fikr bildirdi.
— Nima sodir bo‘lganini aytib bera olasizmi?
— Jamal yaqin vaqt ichida bu haqda o‘zi gapiradi. Biz vaziyatni bilardik va undan xabardor edik. Jamal albatta bu borada fikr bildiradi.
— Agar bu holatdan xabardor bo‘lgan bo‘lsangiz, nega u bugun maydonga tushdi?
— Bu haqda Jamalning o‘zi gapiradi.
— Hozir uning ahvoli qanday?
— U kiyinish xonasida. Kiyimlarini almashtiryapti va dush qabul qilyapti, — deya Eberlning so‘zlarini keltiradi Bayern & Germany.
22 avgust, shanba kuni «Bavariya» Dortmundning «Borussiya»siga qarshi bahs olib boradi. Jamoalar Germaniya Superkubogi uchun kurashadi.
