Londonning "Tottenxem" klubi "Manchester Siti"ning ikki futbolchisi bo‘yicha transferlarni imkon qadar tezroq yakunlamoqchi. Bu haqda insayder Fabrisio Romano xabar berdi.
Manba ma’lumotiga ko‘ra, "Tottenxem" bugun hujumchi Omar Marmush va vinger Savio bo‘yicha muzokaralarni tezlashtirishga harakat qiladi. Klubning transfer rejasi o‘zgarmagan — "Tottenxem" transfer oynasi yopilguniga qadar bitta markaziy hujumchi va ikkita vingerni xarid qilmoqchi.
Insayderning ta’kidlashicha, agar Savio transferi amalga oshmasa, "Tottenxem" uchun muqobil variant "Chelsi" futbolchisi Pedru Netu bo‘lishi mumkin.
Angliya Premyer-ligasining yangi mavsumi birinchi turida Roberto De Dzerbi jamoasi safarda "Brentford"ga qarshi o‘ynaydi. Uchrashuv 22 avgust kuni bo‘lib o‘tadi.
