Bugun, 20 avgust kuni O‘zbekiston Superligasining 18-turi doirasida "Bunyodkor" va "Qo‘qon-1912" jamoalari o‘zaro bahs olib boradi. Uchrashuv soat 19:00 da boshlanadi.
Jamoalar shu kunga qadar barcha musobaqalarda 19 marta o‘zaro to‘qnash kelgan. Ularning 10 tasida "Bunyodkor", 6 tasida "Qo‘qon-1912" g‘alaba qozongan, yana 3 ta uchrashuv durang bilan yakunlangan.
O‘zaro bahslarda "Bunyodkor" raqib darvozasiga 30 ta gol urgan bo‘lsa, qo‘qonliklar 20 ta gol bilan javob qaytargan.
Jamoalarning eng yirik g‘alabalari: "Bunyodkor" — 5:0, "Qo‘qon-1912" — 3:0.
Joriy mavsumdagi birinchi o‘zaro uchrashuvda "Qo‘qon-1912" "Bunyodkor"ni 1:0 hisobida mag‘lub etgan.
