"Inter Mayami" MLS muntazam chempionati doirasida "Filadelfiya Yunion" mehmoni bo‘lib, 2:2 hisobida durang o‘ynadi.
Shu tariqa, Gilyermo Oyos jamoasining g‘alabasiz seriyasi to‘rtta o‘yinga yetdi. Ushbu durangga qadar Florida klubi ketma-ket uchta uchrashuvda mag‘lub bo‘lgan edi — Ligalar kubogida "Monterrey"ga 1:2 va "Leon"ga 2:3, MLSda esa "Neshvill"ga 1:4 hisobida yutqazgan.
Ayni paytda "Inter Mayami" 20 ta o‘yinda 39 ochko to‘plab, Sharqiy konferensiya turnir jadvalida ikkinchi o‘rinni egallab turibdi.
Jamoa navbatdagi uchrashuvini 23 avgust kuni "Toronto"ga qarshi o‘tkazadi.
