Ispaniyaning «Vilyarreal» klubida to‘p surayotgan markaziy himoyachi Villi Kambvala faoliyatini Italiya chempionatida davom ettirishi mumkin. Bu haqda insayder Fabrisio Romano o‘zining ijtimoiy tarmoqlarida xabar berdi.
Manba bergan ma’lumotga ko‘ra, «Komo» «Vilyarreal» bilan muzokaralar olib bormoqda va jarayon juda tez sur’atlarda ilgarilamoqda, chunki Kambvala Sesk Fabregas jamoasi uchun ustuvor transfer nishoni hisoblanadi.
«Manchester Yunayted» tarbiyalanuvchisi bo‘lgan 21 yoshli futbolchi Ispaniyada ikki mavsum o‘tkazdi. Kambvala barcha turnirlarda 23 ta o‘yinda maydonga tushgan bo‘lib, natijali harakatlar bilan ajralib tura olmagan. Transfermarkt portali fransuzni 3 million yevroga baholamoqda.
