19-avgust, chorshanba kuni Saudiya Arabistoni Sport vazirligi «An-Nasr», «Al-Ittihod», «Al-Ahli» va «Al-Hilol» klublarining notijorat tashkilotlariga tegishli 25 foizlik aksiyalarini Davlat investisiya jamg‘armasi (PIF) tasarrufiga o‘tkazish jarayoni boshlanganini e’lon qildi. Bu haqda Saudi Gazette xabar berdi.

Mazkur qaror natijasida ushbu to‘rt klubning direktorlar kengashlari tarqatilishi ko‘zda tutilgan.

Bu jarayon to‘rtta klubning mulk huquqini o‘tkazish bo‘yicha ikkinchi bosqich hisoblanadi va ularni xususiy mulkchilik modeliga to‘liq o‘tkazishga qaratilgan loyihaning bir qismi sanaladi.

Natijada «Al-Hilol», «An-Nasr» va «Al-Ahli» to‘liq PIF tasarrufiga o‘tishi kutilmoqda.

«Al-Hilol», «An-Nasr» va «Al-Ahli» klublari o‘tish jarayonini barqaror tarzda yakunlash maqsadida amaldagi direktorlar kengashlari yana 90 kun davomida o‘z faoliyatini davom ettirishini ma’lum qildi.

«Al-Ittihod» esa klub prezidenti Fahd Sindining o‘z lavozimidagi faoliyati darhol yakunlanganini e’lon qildi.